Ikaw ba ay may asawa, diborsiyado, balo, o hindi pa kailanman nagpakasal ngunit may mga anak na inaalagaan nang mag-isa? O may mga anak ka ngunit hindi mo alam kung paano sila itutuwid, lalo na sa ating makabagong panahon kung saan maraming bagay ang maaaring maglayo sa kanila sa tamang landas?
Totoo na ang tamang pagpapalaki at paggabay sa mga anak ay hindi madali. Gayunpaman, ang pamamaraan ng pinakamainam na huwaran para sa buong sangkatauhan—ang Sugo ng Allah, si Propeta Muhammad (sumakanya nawa ang kapayapaan)—na batay sa mga turo ng Islam, ay ang pinakamahusay na paraan upang ituro, gabayan, at mapagaan ang hamon ng pagpapalaki ng mga anak.